خانه / اجتماعی / نۆڕۆزوو کورده‌واری

نۆڕۆزوو کورده‌واری

مه‌حموود مۆباره‌کشاهی

خۆێندکاروودۆکتوراۆجۆغرافیای سیاسی

نۆڕۆزپێسه‌ هێمایڤی نه‌ته‌وه‌یی جه‌ لایه‌نوو خه‌ڵکوو کوردستانیه‌وه‌ ئه‌شناسه‌ کریۆ. ئه‌گه‌ر نه‌ورۆز پێسه‌ یه‌که‌م ڕۆ وه‌هاری مزگانی ئه‌وژوو ژیاۆ(ژیانه‌وه‌) سرۆشتی مدۆ؛ خه‌ڵکوو ئێمه ‌په‌یامۆۆ نۆڕۆزی، په‌یامێڤی ڕزگاری‌ده‌رجه‌ هه‌رجۆره‌سته‌م وقه‌ڵاچۆی مزانۆ. ئاێروو نۆڕۆزی بڵێسه‌ش ئاواتبه‌خشوو ئازادی جه‌ هه‌رجۆره‌ سه‌رماوسۆڵه‌ۆ بێ عه‌داڵه‌تی وقه‌ڵاچۆین. نۆڕۆزو وکورده‌واری یانێ وه‌شی، گه‌رده‌ن ئازادی، برایه‌تی و جه‌ هه‌رجۆره ‌بێ هیوایی ومزگانی ده‌روو ژیوای پڕسه‌روه‌رین. نه‌ورۆز هێما وسه‌مبۆلوویۆگێرته‌ی جه‌سه‌راسه‌روو مه‌ڵبه‌ندو و کورده‌واریا
وهه‌رتاکێڤی کورد که‌ هه‌ست به‌ شۆناس و هۆیه‌تی کوردی که‌رۆهه‌رجه‌ دلێڕا سه‌ۆمانگۆڕسیاوکامی دڵه‌چرکه‌ۆ ئانه‌یشه‌نه‌ که‌ داخۆم ئیساڵ مه‌راسێموو نه‌ورۆزی به‌دڵخوازبلۆڕانه‌ یان نا؟
جه‌ماوه‌ڤۆ۱۵-۲۰ساڵ چیۆوه‌ڵیه‌وه‌ تا ئارۆ،جه‌ فرۆ شاروده‌گاکۆ وه‌ڵاتوو کوردواریه‌نه‌‌ سه‌راۆ ئانه‌یه‌ که‌ ده‌سه‌ڵاتی سیاسی جه‌ ڕۆژهه‌ڵاتوو کوردستانی په‌ی به‌ڕاوه‌لڤۆ ئی مه‌راسێمیه‌ ته‌نگه‌شه‌ش وه‌ش که‌رده‌ن؛ به‌ڵام به‌ وه‌شحاڵیه‌وه‌ ئی مه‌راسێمه‌هه‌رساڵ پڕجۆشته‌رجه‌ساڵێ وه‌ڵینه،‌ئایه‌روو نه‌ورۆزی به‌ گڕوو و که‌ڵپه‌ی زیاته‌ر ملۆڕاوه‌.
ئانه‌ که‌ ڕاسی بۆ جه‌ هه‌روه‌ڵاتیه‌وه‌نه‌ که‌ نه‌ته‌وه‌ی سه‌رده‌ست له‌مپه‌ڕبوو په‌ی که‌مینه‌نه‌ته‌وه‌ییه‌کا و نازۆ فه‌رهه‌نگ وکۆلتووری نه‌ته‌وه‌یی ئا نه‌ته‌وه‌ها به‌ شیوازیڤی قانوونی وجه‌ چوارچێڤۆ مافێڤی ئینسانی بلۆڕاوه‌، که‌مه‌نه‌ته‌وه‌کا هه‌وڵمدا جه‌ هه‌ربۆنێڤه‌نه‌ ئینکشافی فه‌رهه‌نگی که‌را و په‌ی هۆویه‌تیوازی وێشا ده‌س به‌تێکۆشانی نه‌ترسانه‌ دا.
کوردستان، یۆ چا وه‌ڵاتانه‌ ماوێڤی دوورودرێژا به‌داخه‌وه ‌ده‌رتانش نه‌بیه‌ن‌ به‌ شێوازیڤی ئاشتیانه‌ کارووباری فه‌رهه‌نگی ونه‌ته‌وه‌ییش به‌رۆڕاوه‌؛ جا پۆکه‌ی خه‌ڵکووکوردستانی به‌ تاکتیکیڤی ژیرانه‌ وجه‌ فه‌زایڤی ته‌نگه‌ژاڤیه‌نه‌، جه‌ کارتوو بۆنه‌کا که‌ڵک هۆرگێرۆ وهه‌ربۆنێڤ جه‌ کوردستانه‌نه‌ به‌ جۆرێڤ به‌رڤزوو(نیشانده‌ر) هۆویه‌تی کۆمه‌ڵایه‌تی وفه‌رهه‌نگی گه‌لوو کوردیا.نه‌ورۆز یۆ چا بۆنانه‌ که‌ خه‌ڵکوو کوردستانی به‌ تایبه‌ت جوانه‌کێ به‌ شێڤیوی ئاشتیانه‌ وبه‌ دوورجه‌ هه‌رجۆره‌ تنووتیژی و جه‌ فه‌زایڤه‌ ئه‌منیه‌نه‌‌،هه‌رساڵ مه‌راسیموونه‌ورۆزی به‌راڕاوه‌.
نه‌ورۆزجه‌ کوردستانه‌نه‌ هه‌ستی نه‌ته‌وه‌یی گه‌لوو کوردی میاڤنۆ لووتکه‌ وهه‌رساڵ هێزوئینێرژیڤی نه‌ته‌وه‌یی فره‌ ڤزۆدلێ ڕه‌گوو وگیانوو جوانه‌کا و هه‌ستی شۆناسوازی حه‌قوازانه‌ۆ گه‌له‌که‌یما نیشانه‌مدۆ. نه‌ورۆز به‌ به‌رده‌وامی چی چن ساڵه‌نه‌ جه‌ گه‌ردوو مه‌ڵبه‌نده‌کۆکوردستانیه‌نه‌ به‌ شێوازی جۆراجۆرلوان ڕانه‌ وشانازی وسه‌ربه‌رزیش په‌ی خه‌ڵکوو کوردستانی به‌ دیاری ئارده‌ن.
یۆ چا مه‌ڵبه‌ندا هه‌ورامانا که‌ به‌ وه‌شحاڵیه‌وه‌ ئی چن ساڵه‌ به‌ گه‌رمی پێشووازی نه‌ورۆزیش چنه‌ کریان و جوانه‌ هه‌ورامیه‌کێ شان به‌ شانوو جوانه‌کاۆ ته‌رووکوردستانی هه‌ستی نه‌ته‌وه‌یی ویشا جه‌ مه‌راسێموو نه‌ورۆزیه‌نه‌ به‌ عه‌قڵیه‌تیڤی سه‌رده‌میانه‌ ڤزابه‌ر.
هه‌ورامانی سه‌ربه‌رز چی ساڵانه‌ سه‌رقافڵۆ کاره‌مه‌ده‌نیه‌کا بیه‌ن وئافه‌رین وشانازی خه‌ڵکوو کوردستانیش ڕاکێشوو و‌ێش که‌رده‌ن. چن ساڵ چیۆوه‌ڵ بێ که‌ مامۆسای دڵسۆزی هه‌ورامی زوانی ده‌ره‌کیه‌یی په‌ی نیشاندای خه‌موه‌ری وێش په‌ی مسیاره‌که‌یش سه‌ره‌ش تاشا تا نیشان دۆ ئینسانیه‌ت نه‌مه‌رده‌ن و مه‌دنیه‌ت وشارستانیه‌ت جه‌ ئارۆنه‌ وه‌شه‌سیاوی ئه‌ویته‌ریا.هه‌ورامان پینه‌یه‌ نه‌مدرا وهه‌ر دیسان ده‌گاوه‌شه‌ویسه‌کۆ”ده‌رۆکێه‌” شانازێڤی ته‌رش خۆڵقنا ئادیچ ماڕای ته‌په‌ڕه‌کۆنی بێ که‌ که‌شه‌وانی به‌ ئاوه‌ز،وه‌راوه‌روو چه‌موو خه‌ڵکی‌ وبه‌ هه‌ستیڤی نه‌ته‌وه‌یی ماڕاش تا پی کاره‌، هه‌ورامان جه‌ گه‌ردیاگێڤه‌نه‌ میدیایی بووه‌ و تاکی هه‌ورامی ڕه‌چه‌ماڕوو هه‌نگامه‌ مه‌ده‌نیه‌کاجه‌ کوردستانه‌نه‌ بۆ.
جه‌ بواروو نه‌ورۆزیه‌وه‌ هه‌ورامانیچ پێسه‌ هه‌رمه‌ڵبه‌ندیڤی هۆشیاروو کوردستانی چنێ ساڵین که‌ به‌ شێوازێڤی مه‌ده‌نی ئی مه‌راسیمێه‌ به‌رۆڕاوه‌.به‌وه‌شیه‌وه‌ ئێساڵیچ گه‌ڕوکڵپه‌ۆ ئایه‌روونه‌ۆرۆزی سه‌راسه‌روو هه‌ورامانی گێرۆ‌وه‌.جوانه‌ژیرونیشتمانپه‌روه‌ره‌کێ هه‌ورامانی ‌به‌ هه‌ستیڤی کوردانه‌ مه‌راسێموو نه‌ورۆزی به‌راڕاوه‌ و وه‌شی و ئۆمید به‌ دماڕۆیشادلێ دڵووخه‌ڵکێه‌نه‌ گه‌ش که‌رووه‌‌

Image 2

درباره ی mariwankhabar

همچنین ببینید

اطلاعیه برگزاری مراسم مردمی کومسای هورامان تخت 

اطلاعیه برگزاری مراسم مردمی کومسای هورامان تخت صباح محمدی،بخشدار هورامان به مریوان خبر: با استعانت …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *